Lənkəranda velosipedçinin ölümü ilə nəticələnən qəza baş verdi

Lənkəran rayonunda avtomobil velosipedçini vuraraq öldürüb. Hadisə Ələt–Astara köhnə avtomobil magistralının Göyşaban kəndindən keçən hissəsində baş verib. Bu barədə “Report” məlumat yayıb.

Məlumata görə, 2005-ci il təvəllüdlü Cavid Səfərli idarə etdiyi “Toyota Prius” markalı avtomobillə həmin rayonun Yuxarı Nüvədi kənd sakini, 1976-cı il təvəllüdlü Rəsim Təhmürovu vurub. Velosipedçi aldığı xəsarətlərdən hadisə yerində dünyasını dəyişib.

Mərhumun meyiti müayinə üçün Lənkəran rayon Məhkəmə-Tibbi Ekspertiza şöbəsinə təhvil verilib. Faktla bağlı yol-nəqliyyat hadisəsi üzrə araşdırma aparılır.

Ulusum.az