"Carsharing"in maşınları TOZ İÇİNDƏ- EKSKLÜZİV - FOTO

Artıq bir müddətdir Azərbaycanda "CityCar"ın saatlıq avtomobilləri barədə xəbərlər dolaşır.

Ulusum.az xəbər verir ki, hazırda şəhərin bir çox yerlərində nümayiş olunan avtomobilləri toz basır. Xidmətin nə zaman sürücülərin ixtiyarına verilməsi barədə heç bir məlumat yoxdur.

Qeyd edək ki, icarəyə veriləcək avtomobillərin icarə dəqiqəsinin qiyməti 60-80 qəpik arası dəyişəcək. Şirkətin şəhərin müxtəlif yerlərində parkinq yerləri var, yəni avtomobili götürdüyünüz ünvana geri qaytarmağa ehtiyac yoxdur. Bundan başqa, avtomobili idarə etmək üçün ən azı 2 illik sürücülük təcrübəsi və şəxsiyyət vəsiqəsi tələb olunacaq. Ümumi olaraq 10-a yaxın müxtəlif markalardan olacaq avtomobillərin yanacaq məsələsi də olduqca maraqlıdır. Avtomobili icarələdiyiniz zaman onun yanacaq miqdarı sizə öncədən göstəriləcək.

Bildirək ki, avtomobilin icarəsi tətbiq üzərindən həyata keçəcək.

Ağa Dadaşzadə

Foto: Rəşad Ələkbərov