“Şakir Paşa Ailesi” layihəsi dayandırıldı – Mübahisələr, faciələr və sənət dolu bir səyahətin sonu

Birsen Altuntaşın məlumatına görə, NOW TV-də yayımlanan layihə ikinci mövsümdə zaman atlaması ilə davam edəcəkdi. Lakin prodüser şirkəti serialda yer alan aktyorlara artıq layihəyə bağlı olmadıqlarını və sərbəst olduqlarını bildirib. Beləliklə, bir müddətdir davam edən qeyri-müəyyənlik sona çatmış oldu.

YAŞANAN KRİZLƏRLƏ DİQQƏT ÇƏKMİŞDİ

Serial, yayımlandığı qısa müddət ərzində yalnız sənət yönü ilə deyil, yaşadığı böhranlarla da diqqət çəkmişdi. İki dəfə RTÜK-dən cəza almış, iki fərqli yanğın səbəbilə çəkilişlər dayandırılmışdı. "Şakir Paşa Ailəsi: Möcüzələr və Qalmaqallar" adlı kitab əsasında çəkilən serial, Türkiyənin sənət və mədəniyyət tarixində önəmli yerə sahib olan Şakir Paşa ailəsinin həyatını ekranlara daşıyırdı.

Ailənin tanınmış üzvləri arasında — Halikarnas Balıqçısı kimi tanınan yazıçı Cevat Şakir Kabaağaçlı, müasir rəssamlığın öncüsü Fahrelnisa Zeid, Türkiyənin ilk qravür sənətçisi Aliye Berger və ilk keramika sənətçisi Füreya Koral yer alırdı. Serial bu şəxslərin heyrətamiz həyat hekayələrini bir araya gətirərək 1912-ci ildən başlayaraq Osmanlının son dövründən müasir Türkiyəyə qədər uzanan zəngin bir tarixi və sənət panoraması təqdim edirdi. Eyni zamanda ailə üzvləri arasındakı münasibətlər, uğurlar və qarşıdurmalar fərqli baxış bucaqlarından əks olunurdu.

AİLƏ ÜZVLƏRİ

Osmanlıdan Cümhuriyyətə uzanan, sənət və ədəbiyyat dünyasında iz buraxan Şakir Paşa Ailəsinin üzvləri – Cevat Şakir Kabaağaçlı, Fahrünnisa Zeid, Aliye Berger və Füreya Koral – sənətkar şəxsiyyətləri ilə tanınır.



Ən dramatik hadisələrdən biri isə çəkiliş hazırlıqları zamanı Böyükadada ürək tutması keçirərək həyatını itirən layihə rəhbəri Serkan Sükyanın faciəsi idi. Bütün bu hadisələr serialı son illərin ən qalmaqallı layihələrindən birinə çevirdi.

GÜCLÜ AKTYOR HEYƏTİ

Layihənin aktyor heyəti də diqqət çəkirdi: Vahide Perçin, Meryem Uzerli və Fırat Tanış baş rollarda yer alırdı. Onlara Devrim Yakut, Cem Yiğit Üzümoğlu, Denise Capezza, Nilsu Berfin Aktaş, Helin Kandemir və Yağmur Başkurt kimi adlar da qatılmışdı.

Ulusum.az