Maddələr mübadiləsi nə vaxt zəifləyir?

Maddələr mübadiləsinin (metabolizmin) yavaşlaması çox zaman gənc yaşlarda baş verdiyi düşünülür. Amma alimlər bildirirlər ki, bu fikir yanlışdır. Metabolizmdə ciddi ləngimə yalnız 60 yaşdan sonra müşahidə olunur və bu da orqanizmdə baş verən təbii dəyişikliklərlə bağlıdır.

Araşdırmalara görə, yetkin yaşda insanlar sağlam həyat tərzi sürdükdə maddələr mübadiləsi uzun müddət stabil qalır. Lakin 60 yaşdan sonra əzələ kütləsinin azalması, hormonal dəyişikliklər və hüceyrə səviyyəsindəki proseslərin zəifləməsi metabolizmin sürətinə birbaşa təsir göstərir.

Nəticə olaraq:

Metabolizminiz 30 və ya 40 yaşda yavaşlayır deyə narahat olmayın. Əsas olan – fiziki aktivlik, doğru qidalanma və kifayət qədər yuxudur. Bütün bunlar sizi 60 yaşa qədər enerjili və sağlam saxlaya bilər.

Ulusum.az