Alman avtomobilləri kütləvi şəkildə GERİ ÇAĞIRILIR - EKSKLÜZİV

Alman avtomobil istehsalçıları keyfiyyətsiz məhsulları kütləvi şəkildə geri qaytarmağa başlayıb. ULUSUM.az saytının məlumatına əsasən, məlum olub ki, Avropanın avtomobil nəhəngləri olduqca aşağı keyfiyyətli ehtiyat hissələrindən istifadə edirlər. Bu da həmin avtomobillərin keyfiyyətini, dayanıqlığını ildən-ilə aşağı salır. Alman avtomobil istehsalçıları - Volkswagen, Audi, BMW və Mercedes-Benz brendlərinin adı bu siyahıda ilk yerlərdədir. Qeyd edək ki, həmin şirkətlər ehtiyat hissələrinin keyfiyyətsiz olduğunu qəbul etsələr də, günahın təchizatçılarda olduğunu iddia edirlər. Xatırladaq ki, bir neçə il öncə alman avtomobilləri keyfiyyət nişanı hesab olunurdusa, hazırki dövr üçün bunu demək olmur. Son zamanlarda buraxılan alman avtomobilləri "birdəfəlik istifadə" təsiri yaradır. Bu isə onun Çinlə "rəqabət" aparmasından xəbər verir. Mütəxəssislər hesab edirlər ki, artıq alman avtomobil istehsalçıları da keyfiyyətə deyil, kəmiyyətə üstünlük verməyə başlayıblar ki, bu da kütləvi şəkildə avtomobillərin geri çağırılması ilə nəticələnir. Eyni zamanda qeyd etmək lazımdır ki, bu cür geriçağırılmalar şirkət üçün milyardlarla avro itkiyə başa gəlir. üstəlik, istehlakçıların da həmin şirkətlərə inamının itirlməsini nəzərə alsaq, mövcud vəziyyət almanların da ürəyincə deyil.