Rəisinin sağ olması haqda hələlik məlumat yoxdur

İran prezidenti İbrahim Rəisinin sağ olması haqda hələlik məlumat yoxdur.

Ulusum.az-ın məlumatına görə, bunu İran parlamentinin deputatı Məhəmməd Rza Mirtacədddini deyib.

Onun sözlərinə görə, qəzaya uğrayan helikopter hələlik tapılmayıb.

İranlı parlamentari bildirib ki, helikopterdə olan İranın Ali Lideri Əli Xameneinin Təbriz üzrə nümayəndəsi Məhəmməd Əli Ali Haşimlə telefonla əlaqə saxlamaq mümkün olmayıb. Mobil telefon əhatə dairəsi xaricindədir.

Qeyd edək ki, bu gün İran prezidenti İbrahim Rəisi, xarici işlər naziri Hüseyn Əmir Abdullahian İranın Ali Liderinin Təbriz üzrə nümayəndəsi Məhəmməd Əli Ali Haşimi Xudafərindən Təbrizə aparan helikopterin sərt eniş etdiyi bildirilir. Hələlik xilasedicilər hadisə yerinə çata bilməyiblər.