Ərdoğan, Suriyadakı terror qruplaşmalarının "başlarını əzməklə" hədələyib

Türkiyə Prezidenti Rəcəb Tayyib Ərdoğan, Suriyada fəaliyyət göstərən terror qruplaşmalarını silahlarını yerə qoymağa çağırıb.

Bu barədə onun çıxışını TRT Haber telekanalı yayımlayıb.

Onun sözlərinə görə, Türkiyədə qadağan edilmiş Kürd Fəhlə Partiyası (PKK) ilə əlaqəli qüvvələr silahlarını yerə qoymazsa, "onları gözləyən taledən qaça bilməyəcəklər".

"Bu məsələni həll etmək üçün gücümüz və imkanlarımız var," — deyə Ərdoğan vurğulayıb.

Ərdoğan əlavə edib ki, bütün xarici qüvvələr "əllərini bu bölgədən çəkməlidirlər", əks halda Ankara "suriyalı qardaşları ilə birlikdə terrorçuların başlarını əzəcək".

Səidə Mustafa