Çin Xalq Respublikasının Səfirliyi: ABŞ hərbi hegemonluğunu qorumaq üçün bəhanə axtarır

Çin Xalq Respublikasının ABŞ-dakı səfirliyinin mətbuat katibi Liu Penyu, ABŞ-ın hərbi hegemonluğunu qorumaq üçün bəhanə axtardığını bildirib. Onun sözləri TASS agentliyi tərəfindən yayımlanıb.

Liu Penyu, ABŞ Müdafiə nazirinin birinci müavini Ketrin Xiksin Amerikanın hərbi qüvvələrinin modernləşdirilməsi barədəki bəyanatlarını şərh edərkən, belə açıqlamaların "soyuq müharibə məntiqi" və "hegemonist düşüncə" ilə dolu olduğunu vurğulayıb.

Liu Penyu bildirib ki, ABŞ uzun müddətdir "Çin təhdidini" şişirdərək, öz hərbi hegemonluğunu qorumaq üçün bəhanə axtarır. O, əlavə edib ki, Pekin ABŞ-ı "Çinin strateji niyyətlərini və hərbi quruluşunu obyektiv və rasional şəkildə qiymətləndirməyə" çağırır.


Səidə Mustafa