Ukrayna XİN-i Zelenski ilə Trampın inauqurasiyadan sonra görüşü üçün hazırlıqların aparıldığını bəyan edib

Kiyev, 20 yanvarda ABŞ-ın seçilmiş prezidenti Donald Trumpın inauqurasiyasından sonra Vladimir Zelenski ilə onun görüşünü gözləyir. Bu barədə Ukrayna XİN-nin nümayəndəsi Georgi Tixiy "Avropa Pravda"ya məlumat verib.

Onun sözlərinə görə, Kiyev ABŞ-ın yeni administrasiyası ilə əməkdaşlığı qurmağa yönəlib və Zelenski ilə Trumpın görüşünü gözləyir.

«Bizim mövqeyimiz çox sadədir: Ukraynada hər kəs müharibəni Ukrayna üçün ədalətli şəkildə başa çatdırmaq istəyir. Və biz görürük ki, Prezident Trump da müharibənin dayandırılmasına qərarlı yanaşır. Buna görə də əsas odur ki, biz hazırda prezidentlərimizin - Trump və Zelenskinin görüşünü gözləyirik. Bizim üçün əsas odur ki, Amerika ilə birlikdə sülh uğrunda işləyək», — deyə Tixiy bildirib.

O, hazırda «Trumpın inauqurasiyasından dərhal sonra yüksək səviyyəli Ukrayna-Amerika əlaqələrinə hazırlıq aparıldığını» vurğulayıb. Xarici siyasət idarəsinin sözçüsü tərəflər arasında əlaqələrin «şübhəsiz ki, baş tutacağını» qeyd edib.

Səidə Mustafa