Qərbdə Ukraynanın gələcəyi ilə bağlı həyəcan təbili çalındı

ABŞ-ın hərbi və maliyyə yardımını dayandırması Ukrayna üçün fəlakət təhlükəsi yaradır – bu barədə İsveçrənin Neue Zürcher Zeitung (NZZ) nəşri son məlumatları təhlil edərək yazır. Nəşrin fikrincə, Avropa dəstəyi Amerikanın maliyyə və silah yardımlarının itirilməsini kompensasiya edə bilməz.

Qəzetin qeyd etdiyinə görə, Kiel Dünya İqtisadiyyatı İnstitutunun statistikası ABŞ-ın mövqeyində kəskin dəyişiklik olduğunu göstərir. Uzun müddət Ukraynanın əsas müttəfiqi olan Vaşinqton bu ilin əvvəlindən bəri Kiyevə yeni yardım paketi elan etməyib.

“Ukraynanın ən böyük dəstəkçiləri istiqamət dəyişdi... Bu, Ukrayna üçün fəlakət deməkdir,” — deyə nəşr vurğulayır.

Avropa maliyyə dəstəyini ikiqat artırsa da, Avropa İttifaqı ölkələri birlikdə belə, ABŞ-ın əvvəllər göstərdiyi yardım miqdarını əvəzləyə bilmir. Bundan əlavə, Avropanın təqdim edə bilmədiyi həyati əhəmiyyətli silah sistemləri də var – məsələn, Patriot zenit-raket kompleksləri və ATACMS operativ-taktiki raketləri.

Ulusum.az