Husilər Təl-Əvivə raket zərbəsi endiriblər

Yəmənin Husi üsyançıları, Təl-Əvivin Ben Qurion hava limanına hücum təşkil etdiklərini açıqlayıb. Üsyançılar, iki ballistik raket — Zülfikar və Fələstin-2 ilə hava limanını hədəf aldıqlarını bildiriblər.

“Ulusum”.az xəbər verir ki, hücumla bağlı yayılan bəyanatda, Yəmənli husilərin raket qüvvələrinin İsrailin işğal altındakı Yaffa şəhərində yerləşən bu strateji hava limanına zərbə endirdikləri vurğulanıb.

Husilər, həmçinin Qırmızı Dənizdə ABŞ-ın təyyarədaşıyan gəmisi USS Truman və bir neçə digər döyüş gəmisinə qarşı raket və pilotsuz uçan aparatlarla hücum etdiklərini açıqlayıb. Onlar, USS Truman və digər Amerikanın döyüş gəmiləri ilə bir neçə saat davam edən qarşıdurmalar yaşandıqlarını bildiriblər.

Bu zərbələrdən sonra husilər, Qəzzaya qarşı təcavüz və mühasirə sona yetənə qədər İsrail gəmiçiliyinə mane olmağa davam edəcəklərini bəyan ediblər. Bu, həmçinin Yəmənli üsyançıların bölgədəki gərginlik və münaqişələrə verdikləri reaksiyanın bir hissəsi olaraq qiymətləndirilir.