Zelenski Yoon Seok Yeol ilə telefon danışığı aparıb

Ukrayna prezidenti Cənubi Koreya prezidenti Yoon Seok Yeola Ukrayna kəşfiyyatının “döyüş zonasına yaxın” Rusiya poliqonlarına 3 min Şimali Koreya hərbçisinin göndərilməsi və onların sayının təxminən 12 minə çatdırılması barədə məlumatı çatdırıb.

“Biz eskalasiyaya cavab olaraq fəaliyyət strategiyası və əks tədbirlərin siyahısını hazırlamaq, habelə birgə tərəfdaşları əməkdaşlığa cəlb etmək üçün kəşfiyyat və təcrübə mübadiləsini gücləndirmək, bütün səviyyələrdə, o cümlədən ən yüksək səviyyədə əlaqələri intensivləşdirmək barədə razılığa gəldik, deyə Zelenski bildirib.

O, həmçinin Cənubi Koreyanı Ukraynaya dəstək olaraq ikitərəfli təhlükəsizlik sazişləri üzrə G7 Vilnüs Bəyannaməsinə qoşulmağa dəvət edib.



Eltun Məmmədov