Şimali Koreya Ukraynadakı müharibəyə 12 min hərbçi göndərəcək

Cənubi Koreya kəşfiyyatı Şimali Koreyanın Ukraynadakı müharibəyə xüsusi təyinatlılar da daxil olmaqla 12 min hərbçi göndərəcəyini müəyyən edib.

“Reuters” Cənubi Koreyanın “Yonhap” agentliyinə istinadən yazır ki, Cənubi Koreya kəşfiyyatı KXDR-in Ukraynadakı müharibədə iştirak etmək üçün 12 min əsgər göndərmək qərarına gəldiyini bildirib. Bununla bağlı Cənubi Koreya prezidenti Yoon Seok-yeol təhlükəsizliklə bağlı planlaşdırılmamış görüş keçirib.

"Bu, beynəlxalq ictimaiyyət üçün ciddi təhlükəsizlik təhdididir və Seul buna bütün mümkün vasitələrlə cavab verəcək" deyə, prezident ofisinin bəyanatında deyilir.
Eltun Məmmədov