Qaraciyər Piylənməsi: Müasir Dövrün Sağlamlıq Problemi

Qastroenteroloq-hepatoloq, təcrübəli mütəxəssis Dr. Ülvi İbrahimov

Dr. Ülvi İbrahimov bildirir ki, piylənmənin ən yayılmış səbəbi hədsiz alkoqol istehlakıdır.

Lakin çox miqdarda alkoqol qəbul etməyən insanlarda da qaraciyər piylənməsi müşahidə oluna bilər; bunun səbəbləri arasında hədsiz köklük, şəkərli məhsulların çox istifadəsi, şəkərli diabet, oturaq həyat tərzi, bəzi dərmanlar və genetik meyllər yer alır.

Qaraciyər piylənməsi orqanizmin artıq yağ yaratması və ya yağların kifayət qədər metabolizmə məruz qalmaması nəticəsində yaranır.
Bu vəziyyət gələcəkdə bir sıra ciddi sağlamlıq problemlərinə səbəb ola bilər: qaraciyər funksiyalarının pozulması, iltihablanma (hepatit), qaraciyər sirrozu və hətta qaraciyər xərçəngi.

Dr. Ülvi İbrahimov Ulusum.az-a xəbər verir ki, qaraciyər piylənməsi diqqətə alınmazsa, orqanın normal fəaliyyətini çətinləşdirir və ciddi sağlamlıq risklərinə yol açır.

Ulusum.az / R.İkramlı