Özbəkistanda Türk ləzzəti: Katmerə böyük maraq -- VİDEO

Türk mətbəxinin məşhur və vazkeçilməz şirniyyatlarından biri olan katmer, Özbəkistanda səfərdə olan Ulusum.az saytının təsisçisi Rəxşəndə Daşdəmirova üçün xüsusi olaraq hazırlanıb.

Daşkəndin ən böyük və nüfuzlu ticarət mərkəzlərindən biri olan Tashkent Mall-da yerləşən yüksək səviyyəli HAMGİZADE türk restoranında, peşəkar türk ustasının əllərindən çıxan katmer öz xırçıltılı teksturası, zəngin dadı, Antep fıstığı, şəkəri və qaymağı ilə damaqlarda unudulmaz iz buraxıb.

Ləzzəti və estetik təqdimat performansı ilə seçilən bu şirniyyat qonaqların xüsusi rəğbətini qazanıb.

Ənənəvi reseptə uyğun hazırlanan katmer incə və xırçıltılı xəmirdən bişirilib, içərisi qaymaq və Antep fıstığı ilə zənginləşdirilib. Üzəri isə bol miqdarda üyüdülmüş yaşıl Antep fıstığı ilə örtülərək klassik Türk üslubunda təqdim olunub. Şirniyyatın yanında təqdim edilən ənənəvi Türk çayı bu dad harmoniyasını mükəmməl şəkildə tamamlayıb.

Masa və boşqab dizaynı, eləcə də ümumi təqdimat restoranın zövqlü və premium məkanda yerləşdiyini aydın şəkildə göstərib. Bu xüsusi hazırlanmış katmer yalnız bir şirniyyat deyil, eyni zamanda Türk mətbəxinin zəngin irsini və mədəniyyətini Daşkənddə uğurla təmsil edən bir ləzzət nümunəsi kimi Ulusum.az üçün yadda qalan anlara çevrilib.



R.Daşdəmirova