Sifariş etdiyi telefonlar 16 il sonra gəldi

Liviyada bir telefon mağazası sahibinin 2010-cu ildə sifariş verdiyi “Nokia” markalı mobil telefonlar 16 il sonra, nəhayət, ünvana çatdırılıb.

Ulusum.az xəbər verir ki, 2011-ci ildə ölkədə başlayan vətəndaş müharibəsi səbəbindən logistika sistemləri çöküb, gömrük xidmətləri fəaliyyətini dayandırıb və sifariş olunan məhsullar anbarlarda ilişib qalıb.

İllər sonra mağazaya çatdırılan qutular açıldıqda, sahiblər zarafatla “Bunlar telefondur, yoxsa tarixi əsər?” deyə reaksiya veriblər. Kadrlarda “Nokia”nın klassik modellərinin olduğu görünür.

Görüntülər sosial mediada sürətlə yayılıb və böyük maraqla qarşılanıb.

R.Daşdəmirova