DTX dövlətə xəyanət edən şəxsi həbs etdi

Dövlət Təhlükəsizliyi Xidməti (DTX) tərəfindən həyata keçirilən əməliyyat-istintaq tədbirləri nəticəsində Azərbaycan vətəndaşı, 1969-cu il təvəllüdlü Siyafət Fərzəliyev dövlətə xəyanət ittihamı ilə həbs edilib.

Redaktor.az- a istinadən ulusum.az xəbər verir ki, o, xarici xüsusi xidmət orqanına məxfi əməkdaşlığa cəlb olunaraq Naxçıvanda strateji obyektlərin videoçəkilişlərini təqdim edib. Onun evindən “Kalaşnikov” tipli silahın hissələri də aşkarlanıb.

Fərzəliyev Cinayət Məcəlləsinin 274-cü (dövlətə xəyanət) və 228.1-ci (qanunsuz silah saxlama) maddələri ilə məsuliyyətə cəlb olunub. Hazırda istintaq davam edir.

R.Daşdəmirova