Xərçəngi məğlub etdi, dünyanın kraliçasına çevrildi

Tailandın incisi, 21 yaşlı Opal Suchata Chuangsri 2025-ci ildə Hindistanın Haydarabad şəhərində keçirilən 72-ci Miss World yarışmasında qalib gələrək bu mötəbər titulu qazanan ilk tailandlı qadın oldu.

Phuketdə dünyaya gələn Opalın həyat yolu heç də hamar olmayıb. Cəmi 16 yaşında olarkən hər iki döşündə 10 santimetrlik şiş aşkarlandı. Cərrahiyyə əməliyyatı və uzun mübarizə yolu onu gücləndirdi – və bu ağrılı təcrübə onu döş xərçəngi ilə bağlı maarifləndirməyə həsr olunmuş bir səfirə çevirdi.

2024-cü ildə Miss Universe Thailand titulunu qazanan və dünya finalında üçüncü olan Opal, 2025-ci ilin aprelində Miss World Thailand təşkilatı tərəfindən ölkəsini təmsil etməyə göndərildi. Yarışma zamanı həm multimedia mükafatını qazandı, həm də ilk 40-liyə seçilərək, sonda birinci yerin sahibi oldu.

Onun həm fiziki, həm mənəvi döyüşdən qalib çıxaraq dünyaya ilham verməsi, tacdan da dəyərli bir qələbədir.

Ulusum.az