Keçmiş mer və onun həyat yoldaşı güllələnib

Samara şəhərinin keçmiş meri Viktor Tarxov və onun həyat yoldaşı Natalya Samara vilayətində güllələnərək öldürülüblər.

“Ulusum”.az-ın məlumatina görə, RTVI-nin Samara vilayəti üzrə İstintaq Komitəsinin mənbələrinə əsasən, cütlük yaxın vaxtlarda Finlandiyadan Rusiyaya qayıtmışdı.

Başlıca şübhəli şəxs onların nəvəsi olub. O, saxlanılıb, lakin istintaqla əməkdaşlıqdan imtina edir. Məlumata görə, o, nənəsi və babasının telefonlarından mesajlar göndərib. Qətlin təxminən bir ay əvvəl baş verdiyi qeyd olunur.

Viktor Tarxov 2006-2010-cu illərdə Samara şəhərinin meri olub. Bu faciə, onun qızı Lyudmila ilə bağlı olan tanınmış cinayət işinin fonunda baş verib. 2022-ci ilin dekabrında Lyudmila Tarxova Samara vilayəti Dumasının deputatından 200 milyon rubl rüşvət tələb etmə suçundan yeddi il müddətinə azadlıqdan məhrum edilib. Cinayət hadisəsi baş verdiyi vaxtda Lyudmila Tarxova «Samara VVV-Avia» şirkətinin rəhbəri idi və bu şirkət şəxsi təyyarələrin istehsalı ilə məşğul olurdu.

Səidə