Mahmud Əhmədinejada sui-qəsd oldu

İyulun 15-də İranın 9-cu və 10-cu hökumətlərinin prezidenti olan Mahmud Əhmədinejad uğursuz sui-qəsdin hədəfinə tuş gəlib. "Azad İran" Teleqram kanalında yer alan məlumata görə, həmin tarixdə Əhmədinejad əzadarlıq mərasimi üçün Zəngan şəhərinə yola düşməyə hazırlaşıb. Bundan öncə isə onun mühafizə dəstəsinin rəhbəri həmişəki kimi keçmiş prezidentin “Toyota Land Cruiser” markalı əsas avtomobilini yoxlamaq üçün əyləşib. Daha sonra avtomobilin soyutma sistemi düzgün təmir olunmadığı üçün Mahmud Əhmədinejad başqa avtomobilə minib. Bildirilib ki, Kərəc-Qəzvin magistralında “Toyota Land Cruiser” markalı avtomobilin sükan və əyləc idarəetməsi sıradan çıxıb və yolda başqa avtomobillə toqquşduqdan sonra beton qoruyucuya çırpılıb, ancaq ölən olmayıb. Qəzadan dərhal sonra müəyyən olunub ki, onun avtomobilinin soyutma sisteminin təmir olunduğu adı altında mühafizə dəstəsinə təhvil verilib, ancaq keçmiş prezidentin avtomobilinə qəsdən müdaxilə edilib.