Demensiya riski artır – gündəlik qidalar təhlükə mənbəyidir

Mağazalarda təqdim olunan məhsulların təxminən 80–90%-i insan sağlamlığı üçün potensial təhlükəlidir və demensiyanın (ağıl zəifləməsinin) inkişafına səbəb ola bilər. Bu barədə dietoloq həkim Anton Polyakov aif.ru saytına verdiyi müsahibədə bildirib.

Onun sözlərinə görə, əsas təhlükəni fruktoza, saxaroza (şəkər), trans yağlar və çoxsaylı qida əlavələri olan məhsullar təşkil edir. Bu kateqoriyaya demək olar ki, bütün şirniyyatlar – peçenye, tortlar, pirojnalar, həmçinin dondurmaların böyük hissəsi daxildir. Polyakov qeyd edib ki, bu məhsullarda olan hidrogenləşdirilmiş trans yağlar hüceyrə membranlarına daxil olaraq, onların siqnal molekulları ilə normal qarşılıqlı təsirini pozur.

Dietoloq həmçinin Omeqa-6 və doymuş heyvan yağları ilə zəngin olan məhsullara da diqqət çəkib – onun sözlərinə görə, bu maddələrin həddindən artıq miqdarı orqanizmi yükləyə bilər. Bundan əlavə, süni qida əlavələri də orqanizmə zərər verə bilər – onlar iltihab proseslərinə, allergik reaksiyalara və damar zədələnmələrinə səbəb ola bilir.

Polyakov əlavə edib ki, demensiyanın inkişafına aparan ən sadə yollarından biri də müntəzəm olaraq sənaye üsulu ilə hazırlanmış qidaların, o cümlədən fastrudun istehlakıdır.

Ulusum.az