Timsahın heykəl olduğunu sandı, qəfəsə girdi - FOTO

Filippinlərdə bir turist selfi çəkmək üçün timsahın qəfəsinə girərək az qala həyatını itirirdi. Bu barədə New York Post məlumat yayıb.

Hadisə bu həftənin əvvəlində Zamboanga şəhərində yerləşən Kabug Mangrove Park and Wetlands zooparkında baş verib və anbaan videoya çəkilib. 29 yaşlı səyahətçi ətrafı gəzərkən timsahı görüb və görünür, onu heykəl zənn edərək çəkinmədən baryeri keçib və telefonla suya daxil olub.

Elə həmin an yırtıcı hücum edərək kişinin qolunu çənələri ilə tutub. Zərərçəkmiş qəfəsin içində 30 dəqiqəyə yaxın qalıb. Nəhayət, timsah tərbiyəçisi beton parçası ilə dişi timsahın başına zərbə endirərək onu sərbəst buraxa bilib. Həkimlər qanaxmanı dayandıraraq yaralını təcili xəstəxanaya çatdırıblar. Onun qoluna 50-dən çox tikiş qoyulub və qolu xilas edilib.

Yerli polis nümayəndəsi bildirib: “Bu cür davranış son dərəcə təhlükəlidir. Heç kim zooparkda heyvan qəfəsinə daxil olmamalıdır. O, digər insanların həyatını da təhlükəyə atdı və sağ qalması onun üçün böyük şans oldu”.



✍️"Ulusum".az