Maşınla birlikdə 3 nəfər Kürdə batdı FOTOLAR YENİLƏNDİ

Kür çayında 3 nəfər batıb.

Ulusum.az-ın özəl olaraq əldə etdiyi məlumata əsasən, həmin şəxslər minik avtomobillə birlikdə batıblar.
Hadisə Tovuz rayonu ərazisində baş verib.

Məlumata əsasən, hadisə gecə saatlarında baş verib. 4 nəfər avtomobillə istirahət məqsədilə Kür ətrafı ərazidən keçərkən avtomobil qəfildən sürüşüb çaya düşüb. Avtomobildə olan bir nəfər xilas ola bilsə də, hələ ki digərlərindən xəbər yoxdur.

Xilas olan şəxsin Ulusum.az-a bildirdiyinə görə, onlar hər zaman gedib-gəldikləri işlək yolla hərəkət ediblər. Müəyyən olunub ki, son vaxtlar müşahidə olan sel və daşqınlar səbəbindən həmin işlək yol təhlükəli hala düşüb.

Hazırda ərazidə FHN-in xilasedici qrupu axtarışları davam etdirir.

Ulusum.az Qərb Bürosu.