Kürdə suyun səviyyəsi durmadan artır - YENİLƏNİB VİDEO

Kürdə suyun səviyyəsi durmadan artır.
Son günlər havaların qeyri-sabit keçməsi, yağıntıların düşməsi dağ çayları kimi Kür çayına da ciddi təsir göstərib. Kürdə suyun səviyyəsi durmadan artır. Bu daha çox çayın aşağı axınında - Salyan rayonu ərazisindən keçən hissəsində müşahidə olunur. Bununla yanaşı çayın axma sürəti də artıb.
 Çaydakı bu artım rayon əhalisinin sevincinə səbəb olsa da, bundan narahat olanlar da var. 72 yaşlı rayon sakini Ağakərim Zeynalov deyir ki, ən azından 10 ildir  Kürdə suyun səviyyəsi  bu qədər artmamışdı.. Onun sözlərinə görə çayda su artdıqca həyətlərdə qurunt suları əmələ gələcək ki, bu da bağda yetişdirdikləri ağaclara öz mənfi təsirini göstərəcək.
Mütəxəsislər  isə deyir ki, Kür çayındakı artım artıq fevral ayından müşahidə edilirdi. Mart ayında isə  çayda suyun  səviyyəsi intensiv olaraq artmağa başlayıb.  Onların sözlərinə görə hazırda Kür çayında suyun səviyyəsi fevral ayına nisbətən dörd metrə yaxın  səviyyəsindədir.

Eltun Məmmədov