Məktəblərdə direktor müavini seçimi - Mayın 30-da

Direktor müavini və təşkilatçıların işə qəbulu üzrə müsabiqənin müsahibə mərhələsi keçiriləcək.

Mayın 30-da Qazax-Tovuz Regional Təhsil İdarəsinin tabeliyində olan ümumi təhsil müəssisələrində vakant olan tədris (təlim-tərbiyə) işləri üzrə direktor müavini və məktəbdənkənar və sinifdənxaric tərbiyə işi üzrə təşkilatçı vəzifələrinə işə qəbul üzrə müsabiqənin müsahibə mərhələsi baş tutacaq.
Bu barədə ulusum.az-a Qazax-Tovuz Regional Təhsil İdarəsindən məlumat verilib.

Müsahibəyə müsabiqənin test imtahanı mərhələsində uğur qazanan 18 namizəd dəvət edilib.

Müsahibə Qazax-Tovuz Regional Təhsil İdarəsinin inzibati binasında (Şəmkir şəhəri, Nizami küçəsi 71) keçiriləcək.
Ulusum.az müsahibə zamanı yoxlanılacaq meyarları təqdim edir:
- Vəzifə üzrə biliklər;
- İdarəetmə bacarıqları;
- Şəxsi keyfiyyətlər.
Qeyd edək ki, bu barədə məlumat namizədlərin əlaqə nömrələrinə göndərilib.

Aymirə Ağamirova