BMT ABŞ-ı Yəmənə zərbələri dayandırmağa çağırıb

BMT, ABŞ-ın Yəməndə husilərin nəzarətində olan ərazilərə endirdiyi zərbələrdən narahatdır və bütün hərbi əməliyyatların dayandırılmasına çağırıb.

Bu barədə “Ulusum”.az TASS-a istinadən xəbər verir.

BMT-nin baş katibinin sözçüsü Stefan Dujarrik bildirib ki, ABŞ-ın bir gecədə Yəməndəki husilərə qarşı həyata keçirdiyi zərbələr ciddi narahatlıq doğurur. Həmçinin, Dujarrik, husilərin Qırmızı Dənizdəki gəmilərə qarşı yeni hücum təhdidlərini də pisləyib. BMT, bu cür gərginliyin bölgədəki vəziyyəti daha da pisləşdirə biləcəyinə diqqət çəkib.

Xatırladaq ki, martın 16-na keçən gecə ABŞ, husilərə qarşı genişmiqyaslı hərbi əməliyyatlara başlayıb və Yəməndəki hədəflərə bir sıra zərbələr endirib. ABŞ prezidenti Donald Tramp, əgər Qırmızı Dənizdəki hücumlar davam edərsə, husilərə "heç vaxt görmədikləri cəhənnəmi" vəd edib. Zərbələr nəticəsində ən azı 31 nəfər həyatını itirib, yüzdən çox insan isə yaralanıb. Rusiya, tərəfləri güc tətbiq etməməyə və siyasi dialoq başlatmağa çağırıb.