Trampın görüşü Fransada “alçaldıcı” adlandırıldı

ABŞ prezidenti Donald Trampın Avropa İttifaqı nümayəndələri ilə danışıqları Fransanın alçaldılması kimi qiymətləndirilib. Bu barədə Fransanın “Patriotlar” partiyasının lideri Florian Filippo sosial şəbəkə X-də yazıb.

19 avqustda Ağ Evdə keçirilən görüşdə Tramp, Aİ liderləri, Ukrayna prezidenti Vladimir Zelenski və NATO nümayəndələri iştirak ediblər. Tədbirdən yayılan fotolarda Tramp Oval kabinetdə masa arxasında, Avropa liderlərinin isə qarşı tərəfdə bir sırada oturduqları görünür.

Filipponun sözlərinə görə, bu vəziyyət “müəllim və şagirdlər” mənzərəsini xatırladır və Fransa üçün böyük hörmətsizlikdir. O bildirib ki, Avropa liderləri Trampın qarşısında geri çəkildilər və ABŞ prezidenti onları “vassal asılılığına salaraq” istədiyi sülh planını qəbul etdirdi.

Ulusum.az