Süni intellektə ithaf: ailə qızına ChatGPT adını qoydu

Kolumbiyanın Kordova departamentinin Serete adlı kiçik şəhərində bir ailə yeni doğulan qızlarını “Çat Yipiti Bastidas Herra” adlandıraraq müzakirələrə səbəb olub. UPI xəbər verir ki, valideynlər bu addımı məşhur süni intellekt proqramı ChatGPT-ə ithaf etdiklərini bildiriblər.

Onların sözlərinə görə, bu seçim “texnologiya və süni intellektin yeni dövrünə hörmət” rəmzi kimi edilib. Qeydiyyat idarəsi qeyri-adi ada etiraz etmədən sənədləşdirib.

Lakin bu qərar ictimaiyyətdə birmənalı qarşılanmayıb: bir qisim insanlar uşağın gələcəkdə belə adla çətinlik çəkəcəyini desə də, digərləri bu addımı orijinal və hətta “proqressiv” adlandırıb.

Qeyd edək ki, Kolumbiya qanunvericiliyində xüsusi adlara qadağa yoxdur, amma ZAGS əməkdaşları seçilmiş adın uşağı alçalda biləcəyini və ya reputasiyasına mənfi təsir göstərə biləcəyini düşünərsə, qeydiyyatdan imtina etmək hüququna malikdirlər.

Ulusum.az