Tramp ABŞ tarixində ən yaşlı prezident adını geri qaytarib

Vaxtilə Co Baydeni yaşı və səhvləri ilə bağlı tənqid edən Tramp, yenidən Amerika Birləşmiş Ştatlarının prezidenti postunu tutaraq ölkə tarixində ən yaşlı lider oldu. Bu, onun 2025-ci il yanvarın 20-də keçirilən andiçmə mərasimindən sonra baş verdi. Trampın andiçmə mərasimində yaşı 78 il 7 ay idi ki, bu da Baydenin prezident olduğu dövrdəki yaşını təxminən yarım il üstələyir.

Tramp, yaşının onun liderlik qabiliyyətinə təsir etmədiyini vurğulayır və fiziki cəhətdən sağlam olduğunu iddia edir. O, kognitiv testlərdən uğurla keçdiyini və yüksək zehni hazırlıqda olduğunu bildirir.

Statistik məlumatlara görə, ABŞ prezidentlərinin orta yaşı 56-dır. Bununla belə, Pew Research Center-in sorğusuna əsasən, amerikalıların 49%-i prezident üçün optimal yaşın 50 olduğunu düşünür. Maraqlıdır ki, cəmi 3% respondent prezidentlik üçün 70 və daha yuxarı yaşın uyğun olduğunu hesab edir.

Trampın yenidən seçilməsi onun həm də əvvəlki administrasiya siyasətlərini davam etdirmək və yeni prioritetlər müəyyən etmək üçün güclü platforması olduğunu göstərir. Onun liderliyi ABŞ siyasətində həm daxildə, həm də xaricdə diqqətlə izlənilir.


Səidə