Livan ordusu İsrail ilə sərhəddəki iki şəhərə və altı kəndə hərbi qüvvələrini yerləşdirməyə başlayıb

Livan ordusu və BMT-nin sülhməramlıları, İsrail ilə sərhəddə yerləşən iki şəhər və altı kəndə hərbi hissələri yerləşdirməyə başlayıb. Bu barədə ordu mətbuat xidməti sosial şəbəkə X-də (keçmiş Twitter) məlumat yayıb.

Hərbçilər Bint-Cəbeyl və Tayr-Harfə şəhərlərinə, Aytarun, Alma-əş-Şaab, Məcdəl-Zun, Ed-Duheyrə, El-Kuza və Es-Salxani kəndlərinə daxil olublar.

"Ordu rəhbərliyi, sakinləri hərbi hissələrin yerləşdirilməsi əməliyyatı başa çatana qədər bu ərazilərə qayıtmaqdan çəkinməyə çağırır", — məlumatda qeyd olunub.

Əvvəlki dövrlərdə həmin ərazilərdə İsrail Müdafiə Ordusunun bölmələri yerləşirdi və bu qüvvələr Livanlı şiə hərəkatı olan "Hizbullah"ın yeraltı tunellərini və anbarlarını məhv etmişdi.

Səidə Mustafa