Donald Tramp: Ukraynada baş verən münaqişədə Bayden günahkardır

ABŞ-ın seçilmiş Prezidenti Donald Tramp, Co Baydenin administrasiyasını Ukraynada hərbi münaqişəni qızışdırmaq və buna icazə verməkdə günahlandırıb. Tramp bu açıqlamanı özünün Mar-a-Lago (Florida ştatı) istirahət məkanında jurnalistlərə verib. Onun sözlərinə görə, Baydenin xarici siyasətinin nəticəsi olaraq Ukraynadakı münaqişə alovlanıb və bu, ABŞ-ın təsirini zərərli şəkildə göstərib.

Tramp, həmçinin, bu münaqişənin sülh yolu ilə həllinin mümkün olduğunu, lakin Baydenin diplomatik davranmaq yerinə, müharibəni davam etdirmək üçün daha çox hərbi yardım göndərdiyini vurğulayıb.

"Düşünürəm ki, Rusiya Ukraynaya hücuma keçdi, çünki gördü ki, bu uşaqlar [Bayden administrasiyası] qeyri-peşəkardilar. Nə etdiklərini bilmirlər", — deyə seçilmiş prezident bildirib.

O, ABŞ-ın gücünə və düzgün siyasətə inanaraq, bu münaqişənin həlli üçün effektiv tədbirlər görəcəyinə əmin olduğunu bildirib.


Səidə Mustafa