Kamala Harris kampaniyanın pərdəarxasını açır – “107 gün” adlı xatirə kitabı gəlir

ABŞ-ın keçmiş vitse-prezidenti və Donald Trampa qarşı prezidentliyə namizəd olmuş Kamala Harris, uduzduğu seçki kampaniyası haqqında “107 gün” adlı kitabının nəşr olunacağını elan edib. O, sosial şəbəkədə verdiyi açıqlamada bu xatirələrinin “dünya tərəfindən görünməyən” ən qısa seçki marafonuna həsr olunduğunu bildirib.

Bundan az əvvəl siyasətçi, yayılan şayiələrə rəğmən, 2026-cı ildə Kaliforniya qubernatoru seçkilərində iştirak etməyəcəyini açıqlamışdı. ABŞ mediası onun Demokrat Partiyasındakı gələcəyini müzakirə edir — Harris yenidən prezident postu uğrunda mübarizəyə hazırlaşırmı?



Onun sözlərinə görə, dünyanın gördüyü yalnız “hekayənin bir hissəsi”dir və "pərdəarxası"nın detalları “107 gün” kitabında açıqlanacaq. Seçki kampaniyası, Joe Biden-ın Donald Trump-la debatlarda uduzması və səhhətinin pisləşməsi fonunda namizədliyini geri götürdüyünü elan etməsindən sonra başlayıb və məhz 107 gün davam edib.

Kitabda kampaniya ilə bağlı hansı faktların açıqlanacağı hələ bəlli deyil. Ancaq həm tərəfdarları, həm də rəqibləri Kamala Harrisin bu mətnini diqqətlə izləyəcəklər. ABŞ Konqresinin Nümayəndələr Palatasının üzvü Ceyms Komer hazırda Joe Biden-ın prezidentliyinin son aylarında fiziki və zehni vəziyyətini araşdırır — və onun son fərmanlarının, o cümlədən əfv qərarlarının, tam hüquqi qüvvəyə malik olub-olmadığını müəyyən etməyə çalışır. Fox News-a verdiyi müsahibədə Komer bildirib ki, Kamala Harris bu məsələ ilə bağlı Konqresə şahid qismində çağırıla bilər.

Ulusum.az