Pomidordan Mürəbbə? Bəli, həm də Badamlı - VİDEO

Pomidorun mürəbbəsi olarmı deməyin! Bu reseptlə bir dəfə dadan, hər il hazırlamaq istəyəcək. Qabığı soyulmuş kiraz pomidorları, içi badamla doldurulur, ədviyyatlarla bərabər bişirilib ləzzətli və fərqli bir mürəbbəyə çevrilir. Qonaqlarınız heyrətlənəcək, sizsə bu möcüzə dadı yenidən yaratmaq istəyəcəksiniz.

İndi isə keçək reseptə

• 1 kq çerri pomidoru
• 1 stəkan badam
• 1 çay qaşığı soda
• 500 qr toz şəkər
• 600 ml su
• 1 çay qaşığı kərə yağı
• 4-5 ədəd mixək
• 1 ədəd darçın çubuğu
• Yarim limon suyu (2 ədəd limon duzu da istifadə edə bilərsiniz)

🍴Hazırlanması:

Pomidorların qabığını soyub, altından kiçik bir dəlik açmaqla işə başlayırıq. Diqqətlə sıxaraq içindəki şirəsini və tumlarını çıxarırıq.

Pomidorları sodalı suya qoyub ən az 5-6 saat soyuducuda saxlayırıq. Eynilə badamları da gecədən suda isladırıq.

Növbəti gün badamların qabığını soyub hazır edirik. Pomidorların içindəki artıq şirəni də videodakı kimi yenidən sıxırıq. İçlərini badamla doldururuq.

Geniş qazana su və şəkəri qarışdırıb əridirik. Orta odda sobaya qoyuruq. Qaynamağa başlayanda yağ, mixək və darçın çubuğunu əlavə edirik. 7-8 dəqiqə sonra pomidorları qazana tökürük. (Artıq badamları da əlavə edə bilərik.)

Qaynama davam edərkən limon suyunu əlavə edib darçın çubuğunu çıxarırıq. Təxminən 1 saat nəzarətlə bişiririk. Arada köpüklərini üzərindən götürə bilərsiniz.

Sulu qarışımdan az miqdarda bir boşqabda götürüb, axıcılığını yoxlayırıq. Əgər qalınlaşmışsa, tamamdır

My Webpage

Ulusum.az