Ataların təşvişi uşağın gələcəyinə necə təsir edir?

Britaniyalı alimlər xəbərdarlıq edirlər ki, ataların psixi sağlamlığı uşağın inkişafına birbaşa təsir göstərə bilər. Əgər ata perinatal dövrdə (uşağın hamiləlik və doğum öncəsi-sonrası mərhələsində) təşviş pozğunluğundan əziyyət çəkibsə, onun uşağı erkən yaşda daha çox emosional və davranış problemləri ilə üzləşə bilər. Bu tədqiqat Development and Psychopathology jurnalında dərc olunub.

Southampton Universitetinin araşdırmasına görə, yeni ataların 6-13%-i təşviş pozğunluğundan əziyyət çəkir ki, bu da ümumi kişilər arasında yayılmış səviyyədən yüksəkdir. Lakin ataların psixi vəziyyətinin uşağa təsiri praktiki olaraq araşdırılmamışdı.

Tədqiqatın aparıcısı Francesca Zecckinato bildirir:



Alimlər Böyük Britaniyada 1990-cı illərdən başlayan ALSPAC adlı böyük bir araşdırmanın məlumatlarından istifadə ediblər. Onlar ataların doğumdan 18 həftə əvvəl və 8 həftə sonra olan təşviş səviyyəsinin uşaqların 3,5 və 7,5 yaşlarında psixi sağlamlıq problemləri ilə əlaqəsini araşdırıblar.

Nəticələr göstərdi ki, hamiləlik dövründə təşviş yaşayan ataların uşaqları 3,5 yaşda daha çox emosional və davranış problemləri göstərir. 7,5 yaşa gəldikdə isə ən yüksək risk, həm doğum öncəsi, həm də doğum sonrası təşviş yaşamış ataların uşaqlarında müşahidə olunub.

Alimlər qeyd edir ki, oğlan uşaqlarında bu əlaqə daha qabarıq olub.

Niyə belə olduğu hələ tam məlum deyil. Hipotezlərdən biri budur ki, təşvişli atalar ailədə emosional mühiti daha çox təsirləndirir və ya uşağın ehtiyaclarına adekvat cavab verə bilmirlər. Bu da ananın stressini artıraraq uşağın inkişafına təsir göstərə bilər.

Ulusum.az