"Ürəyin Melodiyaları" Konserti: Mərakeş Krallığının Unudulmaz Musiqi Axşamı

Mərakeş Krallığının təşkilatçılığı ilə dünən Məhəmməd V Teatrında keçirilən “Ürəyin Melodiyaları” adlı konsert tamaşaçılara unudulmaz bir musiqi axşamı yaşatdı.

“Ulusum”.az xəbər verir ki, konsertin hər anı möhtəşəm və yaddaqalan oldu. Kral Simfonik Orkestri, Moskva və Sankt-Peterburq Konservatoriyalarında təhsil alan, mahir ustad və peşəkar maestro-dirijor Oleq Reşetkinin dirijorluğu altında klassik əsərləri və Mərakeş motivlərini ustalıqla ifa edərək dinləyicilərə unikal bir harmoniya təqdim etdi.

Maestro Oleq Reşetkin ansamblın bütün üzvlərinə nəzarət edərək, onları düzgün istiqamətə yönəldərək musiqi əsərinin gözəl şəkildə ifa olunmasını təmin etdi. Bu əsərlər, musiqinin gücü ilə duyğusal bir səyahətə çıxmağa imkan verdi və tamaşaçılara mənəvi bir bayram bəxş etdi.

Konsertin yüksək səviyyəsi və musiqiçilərin ifası dinləyicilərdə dərin təsir yaratdı. Mərakeşin zəngin mədəniyyətini və musiqisini belə bir unikal şəkildə təqdim etmək tamaşaçılar tərəfindən böyük rəğbətlə qarşılandı.