Silahlı qruplar Haiti həbsxanasından yüzlərlə məhbusu azad etdilər

Haitidə silahlı qruplar, ölkənin mərkəzi bölgəsindəki Mirebalais şəhərini ələ keçirərək yerli həbsxanadan yüzlərlə məhbusu azad ediblər.

“Ulusum”.az Le Nouvelliste istinadən xəbər verir ki, banditlər bir neçə mülki şəxsi öldürüb və polis binasını yandırıblar.

Silahlı Xanaan banditləri, Trois-Rivieresdən keçən və Morne-a-Cabri-yə gedən Nəqliyyat yoluna çıxıblar. Onlar yürüş edərək, evlərə, nəqliyyat vasitələrinə və yoldan keçən insanlara birbaşa atəş açıb, Mirebalaisdəki vətəndaş həbsxanasındakı bütün məhbusları azad ediblər, deyə məlumatda bildirilir.

Bəzi məlumatlara görə, paytaxt Port-au-Prensdə təxminən 20 silahlı qrup aktiv şəkildə fəaliyyət göstərir. Onların silahlarında AR-15 avtomat tüfəngləri, AK-47-lər, Galil tüfəngləri, UZI atəşli silahları, tüfənglər, Glock tapançaları və bir neçə qrupda isə 50 mm-lik Barrett tüfəngləri var.

Keçici Prezidentlik Şurasının sədri Frits Alfonse Jan ölkənin "hərbi vəziyyətdə" olduğunu etiraf edib. O, həmçinin cinayətkar qruplarla mübarizə üçün qəbul edilmiş "hərbi büdcə" haqqında məlumat verib.