Mask: Böyük bir inqilab baş verməsə, "Amerika gəmisi" batacaq

ABŞ Hökumətinin Səmərəliliyi Departamentinə (DOGE) rəhbərlik edən amerikalı milyarder İlon Mask ölkədə köklü islahatların aparılmasına ehtiyac olduğunu, əks halda Amerikanın ciddi problemlərlə üzləşə biləcəyini bəyan edib.

“Ulusum”.az xəbər verir ki, “Fox News”a müsahibəsində o, büdcə xərclərinin və hökumətin lazımi ixtisarlarını Böyük Britaniyadan müstəqillik əldə etmək prosesi ilə müqayisə edib.

"Bu inqilabdır. Bu, bəlkə də İnqilabın özündən bəri hökumətdə ən böyük inqilabdır. Bu işin sonunda Amerika daha yaxşı formada olacaq", - Mask bildirib.

Mask bu islahatlar olmadan "Amerika" gəmisinin batmaq riski ilə bağlı xəbərdarlıq edib. O, dəyişiklikləri ABŞ-ın vətəndaş müharibəsindən bəri görmədiyi "inqilab" kimi qiymətləndirib. Onun fikrincə, bu işin nəticələri ölkədəki vəziyyəti xeyli yaxşılaşdıra bilər.