Bu gün BMT Təhlükəsizlik Şurası İsrailin İrana hücumu ilə bağlı iclas keçirəcək

Bu gün BMT Təhlükəsizlik Şurası İsrailin İrana hücumu ilə bağlı iclas keçirəcək.

Təhlükəsizlik Şurasına sədrlik edən İsveçrə bəyan edib ki, şura bu gün, oktyabrın 28-də İsrailin İrana hücumunu müzakirə edəcək.

Reuters-in məlumatına görə, İsveçrənin BMT-dəki nümayəndə heyəti görüşün İranın tələbi və Əlcəzair, Çin və Rusiyanın dəstəyi ilə baş tutduğunu bildirib.

İranın xarici işlər naziri Abbas Əraqçı BMT-nin baş katibi və şuranın üzvlərinə ünvanladığı məktubda deyib: “İsrail rejiminin addımları beynəlxalq sülh və təhlükəsizliyə ciddi təhdiddir və onsuz da qeyri-sabit olan regionda sabitliyi daha da pozacaq”.

Məktubda Əraqçı habelə İsrailin hücumunun Təhlükəsizlik Şurası tərəfindən pislənməsini tələb edib.

Eltun Məmmədov