Ərdoğandan Pakistanla Qardaşlıq Mesajı: Yaxşı və Pis Gündə Yanınızdayıq

Prezident Rəcəb Tayyib Ərdoğan, Pakistanın Baş naziri Şahbaz Şərifin sosial media platforması X (əvvəlki Twitter) üzərindən paylaşdığı açıqlamaya "qardaşlıq" vurğusu ilə cavab verib. Ərdoğan bildirib ki, Türkiyə və Pakistan arasındakı münasibətlər dünyada nadir rast gəlinən bir qardaşlıq nümunəsidir.

Prezident Ərdoğan açıqlamasında qeyd edib:

“Dünyada çox az millətə nəsib olan Türkiyə ilə Pakistan arasındakı qardaşlıq, əsl dostluğun ən gözəl nümunələrindən biridir. Türkiyə olaraq Pakistanın sülh, əmin-amanlıq və sabitliyinə böyük əhəmiyyət veririk. Biz mübahisələrin həllində dialoqa və kompromislərə üstünlük verən Pakistan dövlətinin ağıllı, səbirli siyasətini yüksək qiymətləndiririk. Keçmişdə və gələcəkdə olduğu kimi, yaxşı və pis gündə də yanında olmağa davam edəcəyik. Sizin vasitənizlə dost və qardaş Pakistanı ən səmimi sevgi ilə salamlayıram. Pakistan-Türkiyə dostluğu yaşasın!”

Bu açıqlama, Türkiyə və Pakistan arasında mövcud olan dərin dostluq və qardaşlıq münasibətlərinin bir daha təsdiqi kimi qiymətləndirilir.

✍️"Ulusum".az