ÇUĞUNDUR İKRASI

Tərkibi:
- Çuğundur (bişmiş və ya sobada pörtlədilmiş) – 600-700 q
- Soğan – təqribən 300 q (3 orta boy soğan)
- Pomidor pulpası – 1 qab (500 q) (və ya su + tomat pastası ilə əvəz edilə bilər)
- Duz – 1–1,5 çay qaşığı (zövqə görə)
- Təzə üyüdülmüş istiot – zövqə görə
- Limon suyu və ya alma sirkəsi – 1 xörək qaşığı (və ya zövqə görə)

Hazırlanması:

1. Çuğunduru bişirin və ya sobada pörtədin. Mənim çuğundurum təxminən 650 q gəldi.
2. Soğanı xırda doğrayın və şəffaflaşana qədər qızardın.
3. Çuğunduru iri tərəfdən rəndələyin və qızarmış soğanın üstünə əlavə edin.
4. 1 xörək qaşığı limon suyu əlavə edin.
5. Qarışığı birlikdə 10 dəqiqə qızartmağa davam edin.
6. Pomidor pulpası, duz və istiot əlavə edin.
7. Daha 10 dəqiqə qapağı örtülü şəkildə bişirin.
8. Hazır ikranı soyudun və zövqlə istifadə edin!

Ulusum.az / K.Rəcəbova