Xırçıltılı və Ləzzətli Lavaş Qəlyanaltısı - VİDEO– Həm Asan, Həm Dadlı!

İsti-isti, xırçıltılı və pendirli lavaş dilimləri süfrənizi həm bəzəyəcək, həm də hər kəsin sevimlisinə çevriləcək.

Bu resept həm tavanın üzərində qızardılaraq, həm də sobada daha sağlam formada bişirilə bilər.

Hər iki üsulla mükəmməl nəticə əldə edəcəksiniz.

Tərkibi:
- 200 qram ağ pendir
- 100 qram feta pendiri
- 1 dəstə şüyüd
- 1 ədəd iri yumurta
- 2 dolu xörək qaşığı mayonez (istəyə görə xama və ya kəsmiklə əvəz etmək olar)
- İstiot (zövqə görə)
- Lavaş
- Duru yağ (qızartmaq üçün)

Hazırlanması:
1. Pendir növlərini rəndələyin və bir qaba əlavə edin.
2. Üzərinə doğranmış şüyüd, yumurta, mayonez və istiot əlavə edərək yaxşıca qarışdırın.
3. Hazır içliyi lavaşların arasına yerləşdirin və istədiyiniz formada kəsin.
4. Qızğın yağda hər iki tərəfini qızardın. Alternativ olaraq, lavaşların üzərinə çırpılmış yumurta çəkib sobada da bişirə bilərsiniz.

Çay süfrələrinin əvəzolunmazı olacaq bu qəlyanaltını sınamağa dəyər!


Ulusum.az