Polis əməliyyatı: 5,7 kq marixuana dövriyyədən çıxarıldı

Nərimanov Rayon Polis İdarəsinin ulusum.az-a verdiyi məlumata görə 18-ci Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı növbəti əməliyyat keçirilib.

Keçirilən tədbir zamanı əvvəllər məhkum olunmuş, 35 yaşlı şəxs saxlanılıb. Onun üzərindən və yaşadığı ünvandan 5 kiloqram 700 qram marixuana aşkarlanaraq götürülüb.
Faktla bağlı araşdırma aparılır, saxlanılan şəxs barəsində qanunvericiliyə uyğun tədbirlər görülür.

Polis əməkdaşları narkotiklərin qanunsuz dövriyyəsinə qarşı mübarizəni davam etdirir.







R.Daşdəmirova