Erkən insultların səbəbi

Britaniyalı alimlər 50 yaşdan aşağı şəxslərdə kriptogenik insultların səbəbini tapıblar. Tədqiqat, səbəbi bilinməyən insultların riskini və siqaretin bu riskə təsirini ortaya qoyur.

Kriptogen insultlar, damarların tıxanmasının səbəbi məlum olmayan insultlardır. Bu cür hallarda zəiflik, danışma və görmə problemləri kimi simptomlar görünür və nəticə bəzən ölümcül ola bilər.

Tədqiqatda 18-49 yaş arasında insult keçirmiş 546 nəfər və eyni yaş qrupundan sağlam 546 nəfər iştirak edib. Nəticələr göstərdi ki, siqaret çəkmək əsas risk faktorudur. İnsult qrupunda 33% siqaret çəkən, nəzarət qrupunda isə yalnız 15% olub.

Siqaretin təsiri risk faktorları nəzərə alındıqda da aydın olub. Siqaret çəkənlərdə insult keçirmə ehtimalı iki dəfə yüksək olub. Xüsusilə kişilərdə bu risk üç, 45-49 yaşlılarda isə 4 dəfə artıb. 20 qutudan çox siqaret çəkənlərdə isə risk 4-7 dəfə yüksək olub.

Alimlər, gənclər arasında siqaret çəkmə ilə bağlı mübarizənin gücləndirilməsini tövsiyə edirlər, çünki bu, insultların sayını əhəmiyyətli dərəcədə azalda bilər.

Səidə