Bağırsaq xərçəngindən qoruyur

Tünd şokolad, süd (tam, az yağlı və laktozsuz), yoqurt, pendir, yulaf, meyvələr və qurudulmuş meyvələr, giləmeyvə və tərəvəzlər bağırsaq xərçənginin yaranma riskini azalda bilər. Bu barədə Daily Mail nəşri məlumat verib.

Mütəxəssisin sözlərinə görə, süd məhsulları xərçəngə qarşı qorumaq qabiliyyətinə malikdir, çünki onlar yüksək miqdarda kalsium ehtiva edir. Tədqiqatlar göstərib ki, kalsium bağırsaqdakı iltihabın intensivliyini azaldır və xərçəng hüceyrələrinin böyüməsini dayandırır. Süd, kəsmik və pendirdə olan D vitamini də xəstəliyin qarşısını almaqda mühüm rol oynaya bilər, çünki bu vitamin kalsiumun bədən tərəfindən udulmasına kömək edir.

Yüksək kakao tərkibli tünd şokolad, tərkibindəki antioksidantlar sayəsində xəstəliklərin profilaktikasına kömək edə bilər. Bu bitki maddələri (xüsusilə polifenollar) sərbəst radikalların (sabitsiz molekullar) yaranmasının qarşısını alır və bu molekullar bədəndə yığılıb xərçəngin yaranmasına səbəb olur.

Meyvələr, tərəvəzlər, giləmeyvə, taxıl və qurudulmuş meyvələr liflə zəngindir - faydalı bitki lifləri bağırsaq bakteriyalarının fəaliyyətini dəstəkləyir. Zahiyan qeyd edib ki, bu mikroorqanizmlər həzm sisteminin normal işləməsini təmin edir və immun sisteminə zədələnmiş hüceyrələri və patogenləri aradan qaldırmağa kömək edir.

Səidə