Zərif qəlyanaltı - Sobada Kamamber, Çerri və Baget

Zərif və dadlı qəlyanaltı hazırlamaq heç də çətin deyil! Sobada əridilmiş kamamber pendiri, şirəli çerri pomidorlar və xırçıltılı baget romantik axşam yeməyinizə əla əlavə olacaq.

Tərkibi:

Kamamber pendiri – 1 ədəd
Çerri pomidor – 250 q (1 qutu)
Baget – 1 ədəd
Zeytun yağı – 2 x.q.
Duz, istiot – zövqə görə
Sarımsaq – 2 diş
Qurudulmuş reyhan və ya oregano – zövqə görə

Hazırlanması:

Sobanın sinisini perqament kağızı ilə örtün.
Kamamber pendirinin üzərində dayaz kəsiklər edin.
Pendiri sininin mərkəzinə yerləşdirin, yanına çerri pomidorları düzün.
Bageti dilimləyin, üzərinə bir az zeytun yağı çəkin.
2 çay qaşığı zeytun yağını reyhan və ya oregano ilə qarışdırıb pendirin üzərinə çəkin.
Pomidorların üzərinə qalan yağı gəzdirin, duz və istiot əlavə edin.
Sarımsağı iri-iri doğrayıb pomidorların arasına yerləşdirin.
200 dərəcə qızdırılmış sobada 20 dəqiqə bişirin.

Sobadan çıxan pendiri xırçıltılı bagetin üzərinə çəkin, üstünə pomidorəlavə edib dadını çıxarın!