Virus infeksiyalarından qorunmağın sadə qaydaları

COVID-19, RS-virus və qrip virusları əsasən hava-damcı yolu ilə yayılır. Buna görə də, onlardan qorunmaq üçün tədbirlər də demək olar ki, eynidir.

Mühüm qoruyucu tədbirlər:

Müntəzəm əl gigiyenası: Əllərinizi tez-tez sabunla yuyun və ya spirt əsaslı dezinfeksiya vasitələrindən istifadə edin.

Maska taxmaq: Xüsusilə qapalı məkanlarda və sıxlıq olan yerlərdə maskadan istifadə edin.

Sosial məsafəni qorumaq: İnsanlar arasında ən azı 1-2 metr məsafə saxlayın.

Havalandırma: Qapalı yerlərdə havalandırmaya diqqət edin, təmiz hava axınının təmin olunmasına çalışın.

Əllərlə üzə toxunmamaq: Gözlərə, buruna və ağıza əllərlə toxunmaqdan çəkinin.

İmmuniteti gücləndirmək: Sağlam qidalanmaq, kifayət qədər yatmaq və stressdən qaçmaq immun sisteminizi gücləndirə bilər.

Peyvənd olunmaq: COVID-19, qrip və digər xəstəliklərə qarşı peyvəndlərinizi vaxtında edin.

Bu tədbirləri gündəlik həyatınızın bir hissəsinə çevirmək sizi yalnız bir virusa deyil, bir çox tənəffüs yoluxucu xəstəliklərinə qarşı qoruyacaqdır.


Səidə Mustafa