Ödənişli abunə ilə təqdim olunan yeni - Elektron Bloknot

Norveç şirkəti Remarkable yeni Paper Pro Move adlı kompakt rəqəmsal bloknotunu təqdim edib. Qurğu 7,3 düymlük E Ink Gallery 3 ekranı ilə təchiz olunub və cəmi 230 qram çəkisi, 19,6x10,8 sm ölçüləri ilə diqqət çəkir.

Paper Pro Move Cortex-A55 prosessoru və 2334 mA·s tutumlu batareya ilə işləyir, bu isə qurğuya iki həftəyədək avtonom istifadə imkanı verir. 64 GB yaddaş təxminən 810 qeyd saxlamağa imkan yaradır.

Funksionallıq baxımından cihaz yalnız PDF və ePub formatlarını dəstəkləyir, onlayn kitab mağazalarına çıxış isə nəzərdə tutulmayıb. Yeni model ötənilki Paper Pro ilə oxşardır, lakin daha yığcam dizayna malikdir.

Komplektdə maqnitli şarj dəstəyi olan Marker stilusu təqdim olunur. Əsas versiyanın qiyməti $449 təşkil edir, “ləkəsilmə” funksiyalı stilus ilə təklif olunan versiya isə $499-a başa gəlir.

Bundan başqa, Remarkable aylıq $3-lük Connect abunəliyi də təklif edir. Bu xidmətə limitsiz bulud yaddaşı, tətbiqlə sinxronizasiya və genişlənmiş qeyd alətləri daxildir.

Ulusum.az