Yaponiyada yaxşı keyfiyyətli nəcis donorlarına pul ödənilir – Hər şey elm naminə

Yaponiyanın Tsuruoka şəhərində yerləşən Metagen Therapeutics adlı farmakoloji şirkət nəcis donorluğu proqramına start verib.

Bu proqramda iştirak etmək üçün 18-65 yaş arası şəxslər nəcis donorluğu üzrə qeydiyyatdan keçə bilər.

Toplanan nümunələr insan mikrobiomu əsasında dərman hazırlığında istifadə olunur. Hər nəcis donorluğu üçün donorlar 5 min yen (təxminən 34 dollar) məbləğində ödəniş alır.

Proqram çərçivəsində nəcis donorluğu üçün iştirakçılar onlayn müsahibə, tibbi müayinə və test nümunəsi mərhələlərini keçməlidirlər.

Statistikaya görə, yalnız 8% insan nəcis donorluğu üçün uyğun sayılır.

Ulusum.az