Azərbaycanın üç cüdoçusu Avropa Kubokunda medal qazanıb

Azərbaycanın yeniyetmə cüdoçuları Türkiyənin Antalya şəhərində keçirilən Avropa Kubokuna 3 medalla başlayıblar.

“Ulusum”.az Cüdo Federasiyasının mətbuat xidmətinə istinadən xəbər verir ki, yarışın ilk günündə millimiz 1 gümüş və 2 bürünc medal qazanıb.

Qızların mübarizəsində 48 kq çəkidə Könül Eyvazlı gümüş, Leyla Ələkbərova isə bürünc medal əldə edib. Oğlanlar arasında 60 kq çəki dərəcəsində Röyal Qayıbov bürünc medala layiq görülüb.

Qeyd edək ki, turnirdə ümumilikdə 24 ölkədən 448 idmançı iştirak edir.