Trampın komandası USAID-i israfçılığa qarşı nümunə seçdi

ABŞ dövlət katibi Marko Rubio ABŞ Beynəlxalq İnkişaf Agentliyinin (USAID) bağlandığını açıqlayıb. Onun sözlərinə görə, agentliyin fəaliyyətinin dayandırılması amerikalı vergi ödəyicilərinə on milyardlarla dollar qənaət gətirib.

Ləğv prosesinə Büdcə və idarəetmə üzrə idarənin direktoru Rassel Vout nəzarət edəcək. Agentliyin bəzi proqramları isə Dövlət Departamentinə həvalə olunub.

Rubio agentliyin fəaliyyətinin ciddi şəkildə azaldılması barədə hələ mart ayının əvvəlində – altı aylıq yoxlamanın nəticələrinə əsaslanaraq məlumat vermişdi. Dövlət katibi həmçinin həmin vaxt İlon Maskın rəhbərlik etdiyi Dövlət idarəçiliyinin effektivliyini artırma qurumu (DOGE)-na islahatların həyata keçirilməsində göstərdiyi dəstəyə görə təşəkkürünü bildirib.

Xatırladaq ki, ABŞ prezidenti Donald Tramp və onun yaxın komandası USAID-i büdcə vəsaitlərinin israfçılığına qarşı mübarizənin nümunəvi hədəfi seçmişdi. Prezidentliyin ilk həftələrində təşkilatın əməkdaşlarının sayı 14 000-dən 300-ə endirilmişdi.

Ulusum.az